ஒரு வாழ்க்கை, அதன் அனுபவங்கள், அதன் உன்னத தருணங்கள், அதன் அபத்தங்கள், சாகசங்கள், நினைவுகள் என ஓர் உணர்வுப்புர்வமான சித்திரம் இந்தக் கதைகளின் வழியே நம் கண் முன்னே விரிகிறது. சமூகம் ஒவ்வொருவர் மீதும் புறவயமாய்த் திணிக்கும் ஒழுக்க விதிகளுக்கும், வாழ்க்கை முறைகளுக்கும் எதிரான கலகக்குரல் இந்த சிறுகதைகளின் ஊடிழையாகப் பாய்கிறது. இந்தக் கதைகளை வாசிக்கும்போது உங்களுக்கு உங்கள் வாழ்க்கை கண்முன்னே காட்சியாய் விரியாமல், நீங்கள் மறக்க நினைக்கும் நிகழ்வுகள் மீண்டும் மீண்டும் நினைவில் அலைமோதலாம். தன் அனுபவத்திலிருந்து இன்னும் வரையாத ஒன்றைக் காட்சிப்படுத்தும் எத்தனிப்பும் ஒரு தொலைந்த வரைபடத்தின் பாதையை நினைவிலிருந்து தேடும் வேட்கையும் கார்த்திக்கின் எழுத்துகளில் வெளிப்படுகிறது.

1970களில் சிற்றூர்களில் வாழ்ந்த மனிதர்கள் சற்று இரண்டுங்கெட்டானாக கிராமத்தானாகவும் வாழ முடியாமல், நகர மனிதர்கள் போல் அதி நாகரிகமும் அடைந்து விடாமல் சுவாரஸ்யமாக வாழ்ந்தனர். ஐயே! அந்த பட்டணத்து வழக்கம் எல்லாம் நமக்கு வேண்டாம் என்று சில நாகரிகப் பழக்கங்களை ஒதுக்கி விடுவார்கள். ஐயே இது என்ன பட்டிக்காட்டான் போல என்று கிராமத்து கட்டுப்பெட்டித்தனங்களையும் ஒதுக்கிவிடுவார்கள். இந்தச் சூழலில் வளரும் எங்களைப் போன்ற புத்திசாலிகள் மண்ணின் மைந்தர்களாக கிராம வாழ்க்கையையும் அனுபவித்து, நவநாகரிக மனிதர்களாக ஆங்கிலம் பேசிக்கொண்டு கத்தி முள்கரண்டிகளுடன் ரசம் சாதம் சாப்பிடவும் பழகிக்கொண்ட தலைமுறையினரின் வாழ்க்கைப் பதிவு ஆட்டோகிராஃப்.

முற்காலத்தில் மொழி வளர்ச்சி என்பது பெரிதும் பிரக்ஞைபூர்வமான நிகழவில்லை. அதனாலேயே மொழி வளர்ச்சி பற்றிய திட்டங்களும் கொள்கைகளும் பழைய மொழி நூல்களில் காணக் கிடைப்பதில்லை. ஆனால், இன்றைய நவீன யுகத்தில் மொழிவளர்ச்சியும் – திணிப்பும் பிரக்ஞை பூர்வமான ஒரு நிகழ்வாக, அரசியல் வடிவம் எடுக்கிறது. இதற்கென பல்வேறு கொள்கைகளும் செய்முறைகளும் கருத்து திட்டங்களும் பின்பற்றப்படுகின்றன. அவ்வகையில் இந்தி மொழியின் உருவாக்கத்தையும் அதன் வரலாற்றையும் இந்தித் திணிப்பிற்கு எதிராக நிகழ்ந்த அரசியல் போராட்டங்களையும் வரலாற்றுத் தரப்புகளின் அடிப்படையில் சுருக்கமாக முன்வைக்கிறது இக்குறுநூல்.

How Much Do you Love me, Pain of Love- Dusk of summer, Pain of Lust - November Drizzle, Pain of desire - Spring of Forlorn -இந்த நான்கு அத்தியாயங்கள் சேர்ந்ததுதான் 4 Seasons.காதல் கதைகள் தமிழில் மிகவும் குறைவு. அதிலும் பிராக்மென்டரி நாவல் அதனுடைய உச்சம். இதனுடைய எழுத்துமுறையே வித்தியாசமாகவும் புதுமையாகவும் இருக்கும். இதில் இன்னும் ஒரு படி மேல போய் "Pain of Love " எழுதுவதெல்லாம் எல்லாவற்றிற்கும் மேல். ஒரு வித்தியாசமான புதுமையான தொகுப்பு வாசிக்கனும் நினைக்கிறவங்க கண்டிப்பா படிக்கலாம். துளசி உங்களை ஆட்கொள்ளுவாள் என்பதில் எந்த சந்தேகமும் இல்லை.